Daar is nog baie mense op aarde wat die Bybel in hulle eie taal nodig het – méér as wat jy jou kan voorstel. In die wêreld word daar, sover bereken kan word, 6912 verskillende tale gepraat. In baie van die tale is die Bybel reeds vertaal, maar daar is nog 2393 tale waarin daar geen vertaling beskikbaar is nie. Miljoene der miljoene mense kan nie, soos ons, die Bybel in hul moedertaal lees nie. In Afrika, alleen, is daar nog 800 tale waarin vertalings benodig word.