Algemene vrae

Ek wil my kind laat doop

Indien ouers hulle kind(ers) wil doop, moet die aansoek ten minste ses (6) weke voor die doopdatum ingehandig word. Ons doop op die eerste Sondag van elke maand, maar indien die doop op 'n ander datum versoek word, kan ‘n motiveringsbrief die aansoekvorm vergesel.


Ouers sal ook gevra word om 'n doopgesprek by te woon.  Dit vind gewoonlik vir vroegaand in die week wat die doop voorafgaan gereël. Die leraar wat vir die doop verantwoordelik is, sal die gesprek hanteer. Indien u by 'n ander gemeente (byvoorbeeld waar u ouers woon) wil doop, moet u nog steeds hierdie vorm voltooi en dit met 'n motiveringsbrief inhandig. Die ander gemeente sal 'n toestemmingsbrief van die Skuilkrans NG Gemeente verwag waarin ons meld dat u ons doopgesprek bygewoon het.

DOOPVORM

Ek wil belydenis van geloof aflê

By Skuilkrans het ons 'n jaarlikse belydenisgroep wat elke Sondag ná die aanddiens in die kapel bymekaar kom.  Daar gesels ons oor verskeie onderwerpe soos die Bybel en hoe ons die Bybel lees en verstaan. Ons gesels ook oor God, die Drie Eenheid en ons reis saam met God deur die lewe. Ook word daar gesels oor aktuele onderwerpe, soos die gesprek tussen die wetenskap en geloof. Indien jy belydenis van geloof wil aflê by Skuilkrans, raai ons aan dat jy by hierdie groep aansluit elke Sondagaand.


Indien jy al ouer is en nie elke Sondagaand by die kerk kan uitkom nie, sal 'n leraar 'n paar sessies met jou deurwerk oor wat ons graag wil hê jy moet weet en leer voor jy belydenis aflê.


Ons het gewoonlik een belydenisafleggingsgeleentheid per jaar wat in Oktober plaasvind, maar daar kan ook verskeie ander geleenthede geskep word indien dit nodig is.

Ek wil een van die kerk se fasiliteite bespreek

Ons huur graag ons fasiliteite vir funksies uit so ver dit moontlik is. Indien jy graag 'n lokaal, die saal of kerkruim wil gebruik, vul asb die onderstaande vorm in en stuur dit na fasiliteite@skuilkrans.co.za
FASILITEITE VERHURINGSVORM

Hoe maak ek wanneer
'n geliefde sterf?

Wanneer iemand naby aan jou sterf, is daar skielik baie take wat jou aandag vereis en verrig moet word. Hieronder is 'n kort opsomming wat jou deur hierdie moeilike tyd kan help:

  • Indien die dood onverwags intree, skakel nooddienste om 'n ambulans te ontbied.
  • Indien die persoon aan onnatuurlike oorsake oorlede is,  ontbied die polisie, waarna 'n nadoodse ondersoek gedoen sal word.
  • Skakel 'n begrafnisondernemer wat alles rondom die begrafnis of verassing sal hanteer.
  • Skakel die oorledene se lewensversekeringsmaatskappy.
  • Kry die volgende belangrike dokumente bymekaar:

    -  Testament

    -  Doodsertifikaat

    -  Geboorte- en huweliksertifikaat

    -  ID-dokumente

    -  Aktes en besigheidsooreenkomste

    -  Belastingopgawes, inkomstestate en rekeninge

    -  Voertuigregistrasiedokumente en bankrekeninge

    -  Leningooreenkomste

    -  'n Foto van die oorledene vir die begrafnisbrief

Wees ook voorbereid op onvoorsiene uitgawes en hou in gedagte dat dit soms meer as 'n jaar lank kan duur voordat die proses afgehandel is. Baie belangrik - sien om na jouself en jou gesin, maak gebruik van ons ondersteuningsnetwerk en maak voorsiening vir die rouproses.

Ek wil 'n nis koop in die gedenktuin

Kontak gerus die kerkkantoor by 012 804 7787 vir die koop van nisse, asook die bewaring van oorskot in die gemeente gedenktuin.

GEDENKTUINVORM
Share by: